Title Жиноят процесси иштирокчилари. Тулаганова Г, Базарова Д, Хидоятов Б.2022.pdf ✅

ЎЗБЕКИСТОН РЕСПУБЛИКАСИ АДЛИЯ ВАЗИРЛИГИ ТОШКЕНТ ДАВЛАТ ЮРИДИК УНИВЕРСИТЕТИ Тулаганова Г. 3 . Базарова Д.Б. Хидоятов Б.Б. ЖИНОЯТ ПРОЦЕССИ ИШТИРОКЧИЛАРИ Ўқув қўлланма “Lesson Press” Тошкент - 2022

КИРИШ Жиноят процесси ҳукуқий фан сифатида давлат органлари билаи, жиноят иши натижасидан манфаатдор бўлган ҳамда бошка иштирокчилар ўртасидаги муносабатни тартибга солишни ўргатади. Жиноят процесси иштирокчиларининг ваколатлари қонунда белгиланганига қарамай доимий равишда такомиллашиб бормокда. Масалан, давлат органларидан бўлган суднинг ваколатларини ошириш максадида дастлабки терговда суд назоратининг жорий қилиниши, апелляция, кассация инстанцияси тартибида шикоят қилиш ҳуқуқига эга бўлган иштирокчиларнинг ваколатларининг кенгайтирилиши, ярашувчилик институти таъсис этилиши билан жабрланувчининг ваколатини кенгайтирилиши ҳамда гумон қилинувчи, айбланувчига нисбатан имтиёзлар яратилганлигини эътироф этиш мумкин. Жиноят процесси иштирокчиларига нисбатан амалга оширилаётган ижобий ишлар билан бирга хали ҳал қилиниши лозим бўлган муаммолар мавжуд. Жумладан, гувох ва жабрланувчининг уларнинг муҳофазасини амалга ошириш чораларини кўриш, эксперт ҳамда мутахассиснинг ваколатларини кенгайтириш, химоячининг ишдаги иштирокинибарча холларда шарт қилиб белгилаш, жиноят процессининг процесс иштирокчиларининг судга шикоят қилиш тартибини ишлаб чикиш, вояга етмаганларнинг жиноятлари хақидаги ишларни юритишнинг ўзига хос хусусиятларини такомиллаштириш, яъни ювенал юстицияни ташкил қилиш ва ҳоказо. Бу муаммоларни ҳал қилмасдан туриб, жиноят судлов ишларини юритиш вазифаларини мукаммал ҳал этиб бўлмайди. Шунинг учун ҳам чоп этилаётган адабиётлар орқали назариётчи олимлар, тажрибали амалиётчи ходимларни фикр ва мулоҳазаларини тўплаш зарур деб ҳисоблаймиз. Чунки фикрлар бор жойда уларни қиёсий тавсифлаш учун шароит яратилади. 3