Title Коррупцияга қарши кураш. Салаев Н., Хидоятов Б., Тулаганова Г., Ниёзова С. 2018..pdf ✅

1 ТОШКЕНТ ДАВЛАТ ЮРИДИК УНИВЕРСИТЕТИ Н.САЛАЕВ, Б. ХИДОЯТОВ, Г.ТУЛАГАНОВА, С.НИЁЗОВА КОРРУПЦИЯГА ҚАРШИ КУРАШ ЎҚУВ ҚЎЛЛАНМА ТОШКЕНТ – 2018
2 Тoшкент дaвлaт юридик университети Ўқув-услубий Кенгaшининг -даги - сoнли қaрoригa кўрa нaшргa тaвсия этилгaн. УДК 343.1(575.1) Н.Салаев, Б.Хидоятов, Г.Тулаганова, С.Ниёзова. Коррупцияга қарши кураш. Ўқув қўлланма. – Тoшкент: ТДЮУ нaшриёти, 2018 йил. 97 бет. Тaқризчилaр: Мaзкур ўқув қўлланма Ўзбекистон Республикаси Президентининг 2017 йил 3 январдаги “Ўзбекистон Республикасининг коррупцияга қарши курашиш тўғрисида”ги ЎРҚ No419- сон Қонуни асосида тайёрланиб, унда коррупция тушунчаси, турлари ва унинг намоён бўлиш шакллари, коррупциянинг жиноят-ҳуқуқий тавсифи, коррупцияга қарши кураш тўғрисидаги қонун ҳужжатлари ва уларнинг ривожланиш тарихи, коррупцияга қарши курашишнинг асосий принциплари, республикамизда коррупцияга қарши курашиш бўйича фаолиятни амалга оширувчи ва унда иштирок этувчи органлар ҳамда ташкилотлар, коррупцияга қарши курашишда ҳуқуқий онг ва ҳуқуқий маданиятни юксалтириш, коррупциянинг олдини олишга доир чора-тадбирлар, норматив-ҳуқуқий ҳужжатлар ва лойиҳаларининг коррупцияга қарши экспертизаси, коррупцияга қарши кураш соҳасида илмий тадқиқотларнинг ўрни ва аҳамияти, коррупцияга оид ҳуқуқбузарликни аниқлаш ва уларга чек қўйиш, коррупция жиноятчилигининг сабаблари ҳамда унга имкон берувчи шарт-шароитлар, коррупция ва порахўрлик жиноятларини квалификация қилиш муаммолари, коррупцияга қарши курашишни тартибга солувчи халқаро ҳужжатлар ва хорижий давлатлар тажрибаси ёритилган ва у юридик oлий тaълим муaссaсaлaри вa фaкультетлaри тaлaбaлaри учун мўлжaллaнгaн. © Н.Салаев, Б.Хидоятов, Г.Тулаганова, С.Ниёзова. © Тoшкент дaвлaт юридик университети, 2018.

4 КИРИШ Демократик ислоҳотларни чуқурлаштиришнинг бугунги шароитида коррупцияга қарши муросасиз кураш давлат ва жамият олдидаги муҳим вазифалардан бири саналади. Уни амалга ошириш мустаҳкам ҳуқуқий асос ва самарали механизм жорий этилишини талаб этади. Шу муносабат билан 2017 йил 3 январдаги ЎРҚ-419-сонли “Коррупцияга қарши кураш тўғрисида”ги Ўзбекистон Республикаси Қонуни қабул қилинди. Жамиятни демократлаштириш, амалга оширилаётган ислоҳотлар самарасини таъминлашда коррупцияга қарши муросасиз муносабатни шакллантириш муҳим аҳамият касб этади. Шу орқали аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш амалга оширилади. Ўзбекистон Республикасининг “Коррупцияга қарши кураш тўғрисида”ги Қонунининг 16-моддасида давлат органлари ва бошқа ташкилотлар коррупцияга қарши курашиш мақсадида коррупцияга қарши курашиш масалаларига доир ҳуқуқий тарбия ва таълимни, илмий-амалий тадбирларни ташкил этиш, ўқув-услубий ва илмий адабиётларни ишлаб чиқиш йўли билан зарур чора-тадбирлар кўриши лозимлиги мустаҳкамланган. Шунингдек, Ўзбекистон Республикаси Президентининг 2017 йил 2 февралдаги “Коррупцияга қарши курашиш тўғрисида”ги Ўзбекистон Республикаси Қонунининг қоидаларини амалга ошириш чора-тадбирлари тўғрисида”ги ПҚ-2752-сон қарори билан тасдиқланган 2017-2018 йилларга мўлжалланган коррупцияга қарши курашиш бўйича Давлат дастурининг 15-19 бандларида давлат органлари ходимларини ва бошқа мақсадли гуруҳларни жалб қилган ҳолда коррупцияга қарши курашиш мавзусида ўқув семинарлари, илмий-амалий семинарлар, давра суҳбатлари ва бошқа тадбирлар ўтказиш жадвалини ишлаб чиқиш ва амалга ошириш, коррупцияга қарши курашиш соҳасида ҳуқуқий таълим бўйича махсус ўқув дастурини ишлаб чиқиш ҳамда олий таълим муассасаларининг ўқув дастурларида коррупцияга қарши мавзуларни янада кучайтиришни назарда тутадиган ўзгартириш ва қўшимчаларни давлат таълим стандартларига киритиш, Давлат органлари мутахассислари ва таълим муассасалари ўқитувчиларини ўқитиш, малакасини ошириш ва қайта тайёрлаш дастурларига коррупцияга қарши курашиш